O nacemento da Asociación Alvaro das Casas
(Esto foi o día 7-2-2003):
En Exposende, no Pazo dos Ulloa, mesmo o pé do pequeno regato que separa os concellos de Ribadavia e Cenlle, a carón dunha lareira que garda na ialma das suas pedras moitas historias de séculos pasados, .... está a galegidade de parto, dando a luz unha meniña que se vai chamar "ASOCIACION ALVARO DAS CASAS".
DON ALVARO viviu nesa casa, e quentouse moitas tardes de inverno nesa lareira, .... E o espíritu de DON ALVARO está inspirando este parto.
A Asociación que nace quere recuperar a figura de DON ALVARO, e quere promover o teatro e as artes escénicas, a educación no respeto e no amor ó medio ambiente, e o fomento do amor a Galicia entre a mocidade; todo elo tal como fixo no seu día o noso precursor, o galego DON ALVARO.
Agardamos que o parto non sexa moi doloroso, e que a meniña veña con ben, e que veña ó mundo fermosa, forte, e chea de enerxía nova. E que teña unha longa e fecunda vida que redunde en beneficio do Ribeiro e do Arenteiro, de Galicia, e dos que en Galicia vivimos.
Dende eiquí desexámoslle un gran futuro a esta nena galega que está nacendo e que se vai chamar ASOCIACION ALVARO DAS CASAS.
Juan. 07.02.2003
Un día, nun lugar, houbo unha xuntanza: Esposende, 7-II-03.
O "bautizo solemne" da Asociación Alvaro das Casas
(Esto foi o día 8-3-2003):
CONSTITUCIÓN DA ASOCIACION ALVARO DAS CASAS
O sábado, día 8 de marzo de 2003, ás 13:00 tuvo lugar no pazo dos Ulloa de Esposende, sito no Concello de Ribadavia, o acto de constitución solemne da Asociación Alvaro das Casas. Esta asociación pretende recuperar a figura do galego Alvaro das Casas e promover accións en defensa do Medio Ambiente e da Natureza, do Teatro galego e das artes escénicas en xeral, da mocidade, e a prol de outras cousas que tamén defendeu o Sr. Alvaro.
O acto deu comezo ás 13:00 coa descuberta dunha placa na fachada do pazo. Acto seguido, na adega do pazo, Carmen foi presentando as intervencións de diversas persoas que falaron de Don Alvaro, das suas ideas e obras, e da súa galeguidade: -Xosé González -Avelino Muleiro - Modesto Hermida como representante do PEN Club -Xosé Reza- .... e outros moitos. Rematou o acto a intervención de Don José Luis Baltar Pumar, Presidente da Deputación de Ourense. A música púxoa, moi ben posta por certo, a Coral do Casino do Carballiño. Despois, unha vez rematado o acto, degustamos un bó viño no propio Pazo.
Despois xantamos, respirando galeguidade nunha tarde moi fermosa de sol, luz e ledicia por dentro e por fóra.
Os tres Presidentes: Xosé González (Presidente da Fundación Premios da Crítica), Avelino Muleiro (Presidente da Asociación Alvaro das Casas), e José Luis Baltar (Presidente da Deputación de Ourense).... ¡que presidan ben!!!...
Placa descuberta o 8-3-2003 no Pazo dos Ulloa de Esposende onde morou Don Alvaro das Casas
O ceo azul da galeguidade
Algúns dos asistentes ó acto do 8-3-2003
Algúns galegos ilustres
Música por dentro e por fóra .... xantar e ledicia, .... un bó camiño para facer unha Galicia millor.
A "infancia feliz" da Asociación Alvaro das Casas
Outono do ano 2003
A Asociación Alvaro das Casas está tendo unha infancia felíz. Vai medrando pouco a pouco en corpo e proxectos. Levamos xa unhas cantas reunións no Pazo de Esposende. E cada día que pasa súmase máis xente. Agora mesmo andamos traballando na organización dos dous primeiros Cursos: Un curso sobre o Viño, para aprender cousas sobre esta alma líquida do Ribeiro. E outro curso sobre os temas que preocuparon a Don Alvaro de las Casas: Mocidade, Escea, Galeguismo, Ecoloxía. Este mes de Outubro vai a ser fundamental para a consolidación da Asociación. Estamos traballando con moita fe e moita ilusión. E agardamos que todo redunde en beneficio da Comarca do Ribeiro e das súas xentes.
(Reunión do día 4 de Outubro de 2003, no Pazo de Esposende)