¡ LOITAR !
Loitar a contra naide,
a contra vento,
a contra sombra,
a contra cero.
Loitar a contra nada
e subir ó pedestal
o gran poema da afirmación.
O poema do "sí",
da afirmación total da vida.
O poema da ilusión,
do soño fresco da mañá nova,
que canta, virxen, na Terra viva.
Construir a golpes de esperanza,
pedra a pedra,
verso a verso,
soño a soño, ...
o gran poema verde da vida,
o poema roxo e quente
do home certo-humano
movido polo amor.
O poema do home home
feito de amor amor.
(neno, 9882)