MARCELINO ENRIQUEZ PARRONDO

     MARCELINO ENRIQUEZ PARRONDO naceu en Carballiño. Morreou, e foi enterrado no cimenterio de Señorín o día 2 de xaneiro de 1991.

     Era o fillo máis novo dunha familia de trece irmáns. Seu pai, Marcelino Enriquez, era orixinario de Sobrado dos Monxes, pero veu a Carballiño e entrou a traballar na ferrallería de Domingo Parrondo, e rematou casando cunha filla do xefe chamada Maria Xosefa.
     Marcelino Enriquez Parrondo estudou a dificil carreira de Enxeñeiro de Camiños. Foi enxeñeiro xefe na obra do ferrocarril Zamora-A Coruña.
     Casou con Conchita De Dios.
     Foi un home sempre atento ás necesidades do Carballiño, onde tiña moitos amigos.
     Entre as cousas que fixo pola vila do Carballiño hai que destacar: o Plan de Ordenación Urbana, a rede de esgoto, a Estación do Ferrocarril, o plan de abastecemento de augas, ... Tamén tuvo unha colaboración moi importante na obra da igrexa da Veracruz, axudando as xestións de Don Evaristo en Madrid, facendo o cálculo da cimentación da torre, e axudando de moitas outras maneiras á construcción desta marabillosa igrexa.

(O Carballiño, 19-09-2012)