INSTITUTO DE ESTUDIOS CARBALLIÑESES Curso de termalismo
¿Cómo se fixo a Veracruz?			Carballiño	Cronista	Frases	Prensa	ÍNDICE DE ARTIGOS DE AGORA DO ORCELLON
Historia	Actividades	Proxectos	Conferencias	Estatutos	Ágora do Orcellón	Socios	INICIO

NOVIDADES

     - O día 1 de marzo de 2008: asemblea xeral do IEC.     

     - O Instituto de Estudios Carballiñeses presentou o primeiro libro do seu novo proxecto de publicacións.

     A presentación tivo lugar o día 28-decembro-2007, venres, na casa da cultura do CARBALLIÑO, ás 19:00 horas. Pódese mercar nestas librerías.

     Faino co título “Nomes do Ribeiro”, do profesor Frutos Fernández González, membro do Instituto e colaborador habitual na súa revista Ágora de Orcellón. “Nomes do Ribeiro” é unha viaxe pola toponimia maior do Ribeiro e a súa contorna. Nos douscentos noventa e tres artigos que contén o libro analízanse máis de mil nomes de lugar, tratando de atopar o significado de cada un e de enmarcar ese significado dentro da súa realidade xeográfica, histórica ou cultural. O libro é tamén unha invitación a que o lector descubra os grandes tesouros que se atopan agachados nos nosos nomes de lugar. Uns tesouros que, sen dúbida, enriquecerán a todos aqueles que estean interesados na historia e na cultura destas terras. Como apunta Avelino Muleiro no prólogo: “..Neste libro, Frutos aposta por liberar todos os recunchos do Ribeiro da orfandade de soidade en que se atopan, enchéndoos dese aroma que produce nas cousas unha significación ideal...”

   

*******

XVII XORNADAS DE FILOSOFÍA
“Ecoloxía e bioética”

VIGO, 16, 17, 18 e 19 de outubro 2007
Salón de actos da Fundación Caixagalicia
Rúa Policarpo Sanz, 21 - VIGO
ORGANIZA:
Grupo ALETHEIA.
PROGRAMA

*******

11 de agosto de 2007: ASEMBLEA XERAL DO IEC e PRESENTACIÓN DO NOVO NÚMERO DA REVISTA ÁGORA DO ORCELLÓN. A partir das 20:00 horas no Casino do Carballiño

O INSTITUTO DE ESTUDIOS CARBALLIÑESES CON MOTIVO DA PRESENTACIÓN DO Nº 14 DE ÁGORA DO ORCELLÓN E DA SÚA ASEMBLEA XERAL ORGANIZA UNHA CONFERENCIA SOBRE
Psicopatoloxía do retorno
a cargo do doutor D. Alexandre García Caballero

     Alexandre García-Caballero naceu en Vigo en 1972, é especialista en psiquiatría e doutor en Medicina, cunha tese de doutoramento sobre a adaptación de instrumentos de avaliación cognitiva para diagnóstico de demencia no medio rural galego, traballo polo que recibiu o premio extraordinario de doutoramento da Facultade de Medicina da USC e o premio Cabaleiro-Goás do Colexio de Médicos de Ourense. Este ano recibiu o premio Ramón Piñeiro de ensaio polo traballo titulado “Psicopatoloxía do Retorno”, do que é autor xunto a Ramón Area Carracedo. É autor, ademais, de numerosos artigos internacionais e nacionais sobre avaliación cognitiva e outros temas relacionados coa saúde mental e traductor ó español do libro Trastornos da memoria na práctica psiquiátrica, traballo dirixido polos profesores John Hodges e Germán Berrios, cos que fixo unha estadía como residente no Addenbrooke´s Hospital, en Cambridge. Dende que comezou a súa especialidade hai dez anos, exerce a súa profesión no Servizo de Psiquiatría do Complexo Hospitalario de Ourense. Na actualidade é secretario da Asociación Galega de Saúde Mental e colabora coa Universidade de Vigo e Santiago na docencia de terceiro ciclo.

Día da conferencia: 11 DE AGOSTO
Lugar: SALÓN DE ACTOS DO CASINO DO CARBALLIÑO.
Hora: 20.00
A ENTRADA É LIBRE E GRATUÍTA PARA O PÚBLICO EN XERAL.

PATROCINAN:

COLABORA :
CASINO RECREATIVO E CULTURAL DO CARBALLIÑO.

*******

CONFERENCIA
XOSÉ A. MARTÍN CURTY

     O arquitecto vigués Xosé A. Martín Curty impartiu unha conferencia sobre A historia dos Plans urbanísticos.

     O acto tivo lugar o pasado 14 de marzo de 2007 no salón de actos do Casino do Carballiño cunha concorrencia importante de público, entre os que estaban construtores, arquitectos, políticos, funcionarios de diversas institucións, etc.

PATROCINAN:

*******

VII CONCURSO LITERARIO

     O Instituto de Estudios Carballiñeses convoca, en colaboración co casino do Carballiño, o VII Concurso literario para xoves escritores galegos.

BASES

* Os traballos presentados poderán estar escritos en prosa ou en verso.

* Os traballos presentados serán inéditos.

* Os traballos premiados quedarán en poder do IEC, quen poderá publicalos se así o considera oportuno.

* A contía dos premios será de 450€

* No caso de que o xurado considere que os traballos presentados non reunen calidade suficiente, os premios poderán quedar desertos.

* A decisión do xurado será inapelable.

* O prazo límite para presentar os traballos remata o día 10 de marzo de 2007.

* O xurado estará composto polo director do IEC, ou persoa do propio IEC na que delegue, polo presidente do Casino do Carballiño e por outras tres persoas, socias do casino ou membros do IEC.

 

PATROCINAN:

* * * * * * * * *

PRIMEIRAS XORNADAS SOBRE MEDIO AMBIENTE: APOSTA POR UN PLANETA HABITABLE

Días 10 e 11 de novembro do 2006, no Carballiño

 

XVI XORNADAS DE FILOSOFÍA
“Conflito de Civilizacións”
VIGO, 17, 18, 19 e 20 de outubro 2006
Salón de actos da Fundación Caixagalicia
Rúa Policarpo Sanz, 21 - VIGO
Día 10-03-2006: Dentro dos actos programados co gallo da festa da Mimosa 2006 o I.E.C e o Casino do Carballiño organizaron un Foro sobre o tema da inmigración. Cinco estudantes da Universidade de Ourense expuxeron con claridade e valentía a problemática da inmigración dende o punto de vista xurídico. E logo seguiu un animado coloquio. Aquí tedes dúas fotos dalgunhas das persoas que participaron..