RÚA MONXARDÍN
DON ALFONSO VAZQUEZ MONJARDIN-QUIRÓS
Fillo de Luis Vázquez e Josefina Monjardín.
Naceu na Coruña o día 24-07-1901. E morreu no Carballiño
o día 07-09-1960.
Traballou en Ourense, como Procurador. E nesta cidade tiña tamén unha Axencia de Viaxes e Xestoría. Foi o primeiro presidente do Colexio de Xestores de Galicia.
Foi un dos fundadores do Partido Galeguista. Participou nas tertulias do Hotel Roma xunto con xente tan coñecida como Otero Pedraio, Vicente Risco, Xocas, Leuter, Blanco Amor, ....
Estaba vinculado a O Carballiño, entre outras cousas, por razón de matrimonio, pois casou coa carballiñesa DONA EMILIA BLANCO R.MANEIRO. Tuveron cinco fillos (coñecidos polos nomes de Pepelino, María Emilia, Carmelo, Kika e Alfonso). E a familia pasaba os veráns e festas familiares na fermosa casa que tiñan no Carballiño, que estaba perto da casa do Concello, ó lado da Gazpara, no lugar no que hoxe hai un edificio de varias plantas adicado a oficinas e vivendas e que ten no baixo o supermercado Froiz. Alí, no baixo daquela casa, cando os fillos do matrimonio eran mociños novos, tiveron lugar moitos bailes e “guateques” dos que ainda se lembra moita xente do Carballiño.
Os derradeiros
meses da súa vida pasounos na Vila do Carballiño. Está
enterrado no cementerio de Señorín.
(O Carballiño, 19-agosto-2012)