Juan
RÚA
Camba, Laza, Ourense, 1960
Autodefinido como atento, observador e amante apaixonado
do Camiño de Santiago, de andar a modiño e mirar as cousas sen
présas. Gusta do retrato, da paisaxe... Fixo varios cursos de fotografía,
e é membro da Asociación O Potiños. Participou con esta
asociación en varias exposicións. Estivo presente no Outono
Fotográfico dos pasados anos 2007, 2008 e 2009 coas súas exposicións
individuais «Galicias», «A cor Vía Auria»,
«Camiño, foto e palabra»; todas elas estiveron despois
expostas en moitos lugares. Algunhas das súas fotos pódense
ver na web www.galicias.com.
CAMIÑO,
FOTO E PALABRA II
De Juan Rúa
Na Sala de Caixanova do Barco de Valdeorras, do 2 ao 15 de novembro
«Seguimos no ano Xacobeo 2010. E volvo co tema do Camiño
de Santiago. Imaxes da Vía da Prata ao seu paso polas provincias de
Cáceres, Salamanca, Zamora... Fotos de soidade, silencio, campos agostados...
Fotos de camiños sementados de pensamentos, soños, sorrisos,
olladas, palabras, caricias de vento, abrazos, amizade... Pontes de pedra,
deitadas sobre ríos de auga fresca... E o peregrino camiñando,
paso a paso, buscando a liberdade e a verdade dentro de si mesmo... Pechar
os ollos. Mirar para dentro. Buscar os tesouros interiores. Redescubrir todo
o bo que leva dentro. Atoparse coa súa propia alma, co eixe do seu
corazón, e deixarse renacer... Camiñar por fóra, polos
sendeiros de terra; e camiñar por dentro, polos fíos que levan
ao cerne do propio ser, na procura eterna do coñecemento dun mesmo.
O artesán da luz e da palabra quere recoller nestas fotos e nas palabras
que as acompañan pequenos anacos da alma do Camiño. Pero será
o espectador o que, coa súa mirada cómplice, axudará
a construír en cada imaxe un anaquiño dun soño, no que
se escoite o latexo dun bico dunha estrela vella, pero aínda namorada...»
"O que converte a vida nunha bendición non é facer o que nos gusta, senón que nos guste o que facemos" (GOETHE)
"No me resigno a que, cuando yo muera, siga el mundo como si yo no hubiera vivido" (Pedro Arrupe)
Engadir galicias.com a Favoritos
Benvid@, estás na túa casa